15.08.24: Level 1; Maxey (10) [2]; 1st / 2nd declension adjectives: nominative / accusative singular and plural

1^st / 2^nd declension adjectives: nominative / accusative singular and plural

Nox est et noctū agricolae agrōs nōn cūrant. Noctū mātrēs cēnam nōn parant. Noctū discipulī dēfessī in scholā nōn labōrant et linguam Latīnam nōn discunt. Sed noctū nautae saepe labōrant.

Nox est et ibi medicus ambulat. Medicus noster nōn est, sed medicus puerī. Nunc medicus properat sed est tardus. In silvā properat. Puer, fīlius agricolae, in casā est aeger. Medicus, vir clārus et benignus, ad casam agricolae properat quod puer est aeger. Nox est et medicus sōlus ambulat. Amīcī cum medicō nōn ambulant. Sōlus properat. Tardus est quod lūna est obscūra. Medicus lūnam clāram vidēre cupit. Stellae quoque sunt obscūrae et medicus nōn clārē videt. Puer laetus nōn est. Aeger et miser est. Ubi nōs aegrī sumus, miserī sumus nōs quoque. Puer sōlus est, sed sōlus esse nōn cupit. Amīcōs bonōs vidēre cupit. Lūnam et stellās nōn videt quod obscūrae sunt. Puer aeger medicum benignum exspectat sed medicus est tardus.

Nunc medicus iānuam agricolae aperit et puerum aegrum spectat. Medicus est puerō benignus. Puerō fābulās longās et bonās nārrat. Ex fenestrīs puer et medicus silvam spectant sed stellās et lūnam nōn vident. Nunc medicus iānuam claudit. Ex casā agricolae properat et ad silvam ambulat.

Esne aeger, discipule? Nōn sum aeger. Laetus sum. Laetus sum quod nōn es aeger.

Esne aegra, puella? Minimē. Nōn sum aegra. Laeta sum. Laeta sum quod nōn es aegra.

Estne hic puer laetus? Hic puer nōn est laetus. Hic puer est miser.

Haec puella est laeta. Haec puella nōn est aegra.

Misera sum quod puer nōn est laetus.

Miser sum quod puella est aegra.

Estisne, puerī, aegrī? Minimē. Nōn sumus aegrī. Laetī sumus. Laeta sum quod nōn estis aegrī.

Estisne aegrae, puellae? Nōn sumus aegrae. Laetae sumus. Laetus sum quod estis laetae.

Hī puerī nōn sunt laetī. Hi puerī sunt miserī.

Hae puellae nōn sunt aegrae.

[A] Read the text and match the English with the Latin adjectives in the word cloud.

• dark / indistinct
• exhausted
• good
• happy
• kind
• late
• long
• sick; ill
• well-known; bright
• wretched; miserable

[B] Match the Latin and English forms of the verb sum, esse: to be