Mārcus magnās dīvitiās nōn possidet, itaque neque multa neque magna dōna dare potest. Mārcus nōn est Croesus*; sed Cornēlia puella est, et “cūnctae puellae diū et libenter tabernās spectant, aurum et argentum valdē amant saepeque multa dōna exspectant”. Sīc Mārcus cōgitat, sed stultus est; nam Cornēlia neque magna neque multa dōna exspectat. Grāta et contenta est, quod Mārcus amīcus bonus et fīdus est, quod nōn sōlum lūdōs, sed etiam theātra amat. Nam theātra Cornēliam imprīmīs dēlectant: gaudet et rīdet, cum fābulās spectat, et cum populus clāmat, clāmat et Cornēlia.
*Croesus: legendary king; known
for his great wealth
https://en.wikipedia.org/wiki/Croesus
No comments:
Post a Comment