Iam Barbātus Syrum temptat. Gladiī crepant, populus adversāriōs incitat, nam pugnae turbam valdē dēlectant. Etiam Mārcus gaudet et clāmat, nam lūdōs et pugnās libenter spectat; Cornēliam autem lūdī nōn dēlectant: itaque sedet et tacet. Mārcus amīcam rogat: “Cūr pugna tē nōn dēlectat?” Cornēlia nōn respondet. Subitō Syrus adversārium temptat, vulnerat. Turba clāmat, sed Cornēlia lacrimās nōn iam tenet. Neque Mārcum nunc lūdus dēlectat.
No comments:
Post a Comment