16.08.25: Level 1; Road to Latin [28]; Domicilium Urbānum [i] text; vocabulary; exercise

[adjectives of the first and second declension]

Domicilium Urbānum

Rōmae Cornēlius magnum domicilium urbānum habet. Dominus, domina, fīliī, fīliae, servī, servae, in domiciliō magnō habitant. Cornēlius est dominus multōrum servōrum. Cornēlius est dominus benignus; itaque servī bonī dominī Rōmānī dīligenter labōrant. Tullia est domina benigna; itaque servae bonae Tulliam amant. Magnum domicilium est dominae Rōmānae grātum. Rōmae sunt multa domicilia magna.

Servī et servae in domiciliō Cornēliī libenter labōrant quod dominum et dominam amant. Sextus est servus bonus. Sextus non est līber sed nōn est miser quod dominus est benignus. Sextus nōn est piger; itaque dominus servum bonum saepe laudat. Cornēlius multōs et bonōs servōs habet. Servī bonī nōn sunt līberī sed nōn sunt miserī. Servī nōn sunt pigrī. Maria nōn est lībera quod est serva. Tullia est domina benigna; itaque Maria nōn est misera; Maria est serva dominae benignae est. Maria nōn est pigra. Tulliae servae sunt neque miserae neque pigrae.

Servī et servae nōn sunt miserī quod dominus et domina sunt benignī. Servī et servae sunt laetī quod in domiciliō pulchrō habitant. Dominī fīliī et fīliae quoque sunt laetī. Līberī laetī domicilium pulchrum amant. In domiciliō peristȳlum pulchrum est. Altae columnae peristȳlum circumstant. In peristȳlō est hortus pulcher. Līberōs peristȳlum dēlectat quod est apertum. Domicilium pulchrum Cornēlium et Tulliam et līberōs dēlectat. Domicilia pulchra dominīs Rōmānīs semper sunt grāta.

Multī incolae Italiae magna domicilia urbāna habent. Laeca domicilium pulchrum habet. Laeca est poēta clarus et multam pecūniam habet. Agricolae Rōmānī multam pecūniam nōn habent; itaque domicilia pulchra nōn habent. Multī agricolae viās urbānās timent; itaque in casīs rūsticīs habitant.

Exercise

Respondē Latīnē:

1. Quid Cornēlius Rōmae habet?
2. Quālis dominus est Cornēlius?
3. Quālēs sunt servī?
4. Quālīs domina est Tullia?
5. Quālēs sunt servae Tulliae?
6. Quāle est domicilium?
7. Quālia domicilia Rōmae sunt?
8. Quis est Sextus?
9. Quālis servus est Sextus?
10. Cūr dominus Sextum laudat?
11. Num servī sunt miserī?
12. Suntne servī pigrī?
13. Cūr est Maria nōn misera?
14. Estne Maria pigra?
15. Quālēs sunt servae Tulliae?
16. Num miserī sunt servī et servae?
17. Quālēs sunt fīliī et fīliae?
18. Quāle est peristylum?
19. Quōs peristylum dēlectat?
20. Quāle domicilium Cornēlium dēlectat?
21. Quālia domicilia dominīs Rōmānīs sunt grāta?
22. Quī magna domicilia habent?
23. Quālis poēta est Laeca?
24. Quī viās urbānās timent?

Vocabulary

circumstō, circumstāre [1]: to surround, encircle

līber, lībera, līberum: free

līberī, līberōrum [2/m/pl.]:  children

miser, misera, miserum: wretched, unhappy

peristȳlum, peristȳliī [2/n]: peristyle (garden surrounded by columns)

rūsticus, rūstica, rūsticum: rustic, rural

urbānus, urbāna, urbānum: pertaining to the city, urban